(؛؛؛)•••••(؛؛؛)
••••(؛؛)•••••
أمس العصر عديت روس المشاريف
اللي يلامسها نسيم. البرادي
مشراف من كثرة عليه. الصواديف
اللي حداه من اشهب الوقت حادي
وانا على جوفي مثل. واهج. الصيف
دايم ملازمني ولو بالرقادي
صاليه كنه من لهيب. المقاذيف
اوملّةٍ غطا عليها الرمادي
من فوح واهجها سطت بالسراجيف
تمكنت بين الضلوع الشدادي
نفس الفتى يا زياد ماتقبل الحيف
خصٍ من اللي مثل طير الهدادي
اللي على العليا تعلى المهاديف
وكر الحرار الضاريه للهدادي
لو شاف خاطر صاحبه جاه تكليف
عذره سمين وهرجته بالركادي
عقله رزين الى شرع بالسواليف
من طيب منطوقه تشوف الودادي
يسلها بين الضلوع المعاكيف
عقب الوهج يظفي عليها برادي
والا الردي دايم سريع المحاريف
على رفيقه. كل يوم متحادي
يدخل ولو مع ثقب الابره من الزيف
في درب ربعه مثل. شوك الكدادي
قليل شيمه ما حسب للمعاريف
وردي حجه ماله الا العنادي
كلن على شوفه يحسب المشاويف
الشوف في عين الردي امترادي
بعض الاوادم ياعساهم مذاليف
مع السراد اللي تخم السرادي
احذف وراهم. بعدهم. بالمحاذيف
حذفت احبال امقيط من غير قادي
لاتفرح بشوفة خطاة الملاقيف
خلّك بوادي والهلايم بوادي
ولا تنزعج بافراق شبابة الّليف
اللي على قدح الفتايل تنادي
كلن من اجناسه يجيله مواليف
الوصف يجلب للمدادي امدادي
الحر يدهل عاليات. المدانيف
له هدةٍ تجدع كبار الثنادي
والبوم له بين الخرايب. تواصيف
وريح الجيف يجلب عليها الحنادي
واللي يبي ياخذ كلام العواريف
يمشي على النجمه ولاهوب غادي
واللى تعرض للرياح المصاليف
لازم يشوف بها النكد والنكادي
صبرالجمل يفوق كل التواصيف
ويجزع ويفزع من خطاة القرادي
هذي هي الدنيا عسام وعواصيف
ماتجي الايام. على المرادي
واللي مقدرمايجي. بالتصاديف
ماقدر الوالي تشوفه. وكادي
امّا انكشف لك والمدامع مذاريف
والا انكشف للخلق يوم التنادي
احدٍ ركض حظه وجتله على الكيف
لو كان مايسوى عمود الجرادي
واحد على الدنيا كثير التحاسيف
ماهملجت عينه ولو بالسهادي
نعيش في وقت عجيب التصاريف
ماعاد ندري وش تكنّ العبادي
ساعه سنود وعقب ساعه مناكيف
طبع البشر ماعاد هو باعتيادي
بعض البشر عن النمايم معازيف
مجلس وقار به السوالف جدادي
وبعض البشر على الرديه معاكيف
هروجهم وسط المجالس دوادي
ماعمّ خلق الله بالاوصاف تزييف
بياض نور الصبح يجلى السوادي
ياما رقد بالحودها. من. عواريف
وقت مضى يوم العوز والهجادي
وياما عليها من الرجال المراويف
اللي على كسب الجمايل تنادي
هل الوفا يسدون جزل المعاريف
امثال ابن بدران والا المهادي
هل الوفا ماحسبوا للتكاليف
الجود له بين الخلايق منادي
الطيب يبقى والتواريخ تعريف
يكتب لمن جادة يمينه. وجادي
ولابد يظهر للمطاليق تصنيف
هل المواقف يوم قدح الزنادي
في حزّةٍ فيها تبين المواقيف
واللي زرع يلقاه يوم الحصادي
يالله من نوٍّ مزونه مراديف
شواعق ابروقه تنير البلادي
بكور وسميّ له اسنين. ماشيف
ونجم الوسم توّه مع. الفجر بادي
من الحجاز ال نجد واشمل الى طريف
ستين ليله وبلها. بازديادي
يازين سجاتٍ بهاك المصاييف
والرجل بافياضه. تسجّ البيادي
في خايع عقب الشتا علّه الصيف
المزن فوقه رايحاتٍ غوادي
تسعين ليله ماتعومس من الهيف
نوار عشبه بالفياض امتقادي
فيه الزبيدي طالعاتٍ مكاشيف
بياضهن وسط العشايب ينادي
هو كيفتي يومن الانفسٍ لها كيف
شوفه غذا روحي . وغاية. مرادي
مع خوّة اللي بالمواقف. مصاليف
(؛؛) (؛؛)
ليست هناك تعليقات:
إرسال تعليق